Грошы на 100 дронаў для каліноўцаў сабралі менш чым за суткі
Беларускі добраахвотнік з дронам на фронце / t.me/belwarriors/
Грошы на 100 дронаў для палка Каліноўскага — 45 тысяч долараў — сабралі менш чым за суткі. Ініцыятарам збору быў украінскі блогер Аляксандр Рыкаў (BalaganOFF). Акцыя атрымала назву "Беларусам ад беларусаў". Блогер прызнаецца, што не чакаў такой актыўнасці і такога хуткага збору сродкаў. Ён і раней дапамагаў беларускім добраахвотнікам.
У аўторак а 13-й гадзіне па беларускім часе BalaganOFF будзе ў эфіры Еўрарадыё.
"Дзякуй за вашае адзінства! Разам з вашай падтрымкай наш баявы дух узмацняецца", — кажа ў відэазвароце камандзір падраздзялення Дзяніс Прохараў ("Кіт").
