Хакеры паведамляюць пра новую атаку на Беларускую чыгунку

02/03/2022 - 11:56

Хакерская групоўка паведамляе пра чарговую атаку на кіберсістэму Беларускай чыгункі. Яна адбылася, як гаворыцца, 2 сакавіка а 12-й гадзіне.

"Не функцыянуюць на дадзены момант: сістэма ГІД (графік выкананага руху), Нататнік кіраўніка, Абаненцкі пункт, аўтаматызаваная сістэма Аўтадыспетчар ды іншае спадарожнае праграмнае забеспячэнне. Закранутая сістэма ДЦ "Нёман", назіраюцца праблемы з рухам цягнікоў", — пішуць у канале "Супольнасць чыгуначнікаў Беларусі"

Папярэдняя дыверсія на чыгунцы адбылася 1 сакавіка. Як паведамілі былыя сілавікі, мэта — сарваць перавозкі расійскіх войскаў і ўзбраення ў Беларусі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.