Хворая на рак медсястра хоспіса атрымала тры гады калоніі

Хворая на рак медсястра хоспіса атрымала тры гады калоніі агульнага рэжыму за прысабечванне наркатычных рэчываў, якія выкарыстоўвалі для лекавання пацыентаў. Паводле інфармацыі прэс-службы Вярхоўнага суда, абвінавачаная працавала ў лякарні паліятыўнага дагляду, калі ў яе ў самой дыягнаставалі анкалагічнае захворванне.

На сваіх дзяжурствах у хоспісе жанчына атрымлівала лекавыя прэпараты з наркотыкамі і псіхатропамі, якія лекары прызначалі пацыентам. Калі хворы паміраў да ўвядзення лекаў, медсястра пазначала іншы час смерці, а набраны ў шпрыц наркотык забірала сабе. Усяго было пяць такіх выпадкаў – у яе дома падчас вобшуку знайшлі чатыры шпрыцы з дыязепамам і адзін шпрыц з марфінам.

Таксама яна набыла ў хоспісе трамадол і дыязепам у таблетках і ў ампулах. Калі сваякі памерлых прыносілі ў хоспіс выпісаныя раней наркотыкі і псіхатропы, яна забірала іх сабе. Усе лекі яна прымала сама.

Прысуд не набыў законнай моцы і можа быць абскарджаны.