Каваль спрабуе прадаць качаргу, якую трымаў у руках Лукашэнка

Каваль спрабуе прадаць качаргу, якую трымаў у руках Аляксандр Лукашэнка. Яе ўладальнік спадзяецца атрымаць не менш за 500 долараў і патраціць грошы на доўбаўпарадкаванне вёскі Дудзінка на Барысаўшчыне ды на "падтрыманне кузні". Ён лічыць, што качарга — "варты экспанат для прыватных калекцыяў і кабінетаў беларускіх чыноўнікаў", інфармуе сайт ex-press.by.

Аўтэнтычнасць качаргі каваль пацвярджае скрыншотамі з відэа тэлеканала СТБ. На іх Лукашэнка трымае нейкую качаргу ў 2011 годзе падчас афіцыйнага адкрыцця пасля рэканструкцыі Мірскага замку.