КДБ затрымаў жанчыну, чыя камера зафіксавала выбух расійскага дрона
Штурм дома ў Калінкавічах / тг-канал сілавікоў
Супрацоўнікі КДБ і ГУБАЗіК затрымалі жыхарку Калінкавічаў. Камера яе дома, хутчэй за ўсё, зафіксавала выбух расійскага дрона.
Пра тое, што зранку 3 кастрычніка каля Калінкавічаў мог выбухнуць расійскі дрон, паведамляў тг-канал "Беларускі Гаюн". Пазней у мясцовых чатах з'явіўся відэазапіс з камеры вонкавага назірання прыватнага дома. Камера ў 4:54 раніцы зафіксавала гук палёту і выбух. Відэа шырока разышлося ў інтэрнэце і сацсетках.
4 кастрычніка сілавікі апублікавалі відэа, як яны ўрываюцца на падворак прыватнага дома і затрымліваюць людзей. Яны кажуць, быццам жыхарку Калінкавічаў затрымалі за супрацу з "экстрэмісцкімі рэсурсамі". Жанчыне пагражаюць крымінальным пераследам.
