Хакеры прымусілі робатаў-пыласмокаў ганяцца за хатнімі жывёламі
Робат-пыласмок і кот / Shutterstock
Хакеры ўзламалі робатаў-пыласмокаў у некалькіх амерыканскіх гарадах. Яны прымусілі прылады ганяцца за хатнімі жывёламі і выкрыкваць непрыстойнасці.
Пра гэта са спасылкай на заявы пацярпелых (пакуль што не саміх робатаў-пыласмокаў, а іх гаспадаароў) піша ABC. У выдання атрымалася паўтарыць узлом падчас уласнага расследавання — журналісты змаглі атрымаць доступ да камеры пыласоса.
Вось апісанне аднаго з выпадкаў узлому. Адвакат з Мінесоты глядзеў тэлевізар, і ў гэты момант з дынаміка пыласмока пачаў даносіцца шум, "падобны да перарывістага радыёсігналу". Праз прыкладанне мужчына ўбачыў, што доступ да трансляцыі з камеры атрымаў незнаёмы. Уладальнік робата-пыласмока скінуў пароль і перазагрузіў прыладу, але ўсё паўтарылася.
Падобныя выпадкі адбыліся ў гарадах Эль-Паса і Лос-Анджэлес: там разумныя пыласмокі прыняліся бегаць за хатнімі жывёламі і выкрыкваць расісцкія заявы ў адрас уладальнікаў. Кампанія прызнала ўзлом і адключыла IP-адрас, з якога ён адбыўся.
