Латушка стварае тры камітэты ў Пераходным кабінеце
Павел Латушка ў Аб'яднаным пераходным кабінеце стварае тры падначаленыя яму камітэты.
Палітык кажа, што гэта будуць санкцыйны камітэт, а таксама камітэты крымінальнага прымусу і кадравай палітыкі. Латушка не паведаміў, хто будзе працаваць у іх складзе.
Латушка нагадаў, што мэтамі Пераходнага кабінета з'яўляюцца распрацоўка і прыняцце мер па спыненні незаконнага ўтрымання ўлады рэжымам Лукашэнкі, аднаўленне канстытуцыйнай законнасці і правапарадку, стварэнне ўмоў для правядзення ў Беларусі свабодных і сумленных выбараў.
Як паведамлялася раней, у Аб'яднаным пераходным кабінеце Латушка з'яўляецца прадстаўніком Святланы Ціханоўскай па транзіце ўлады.
