Летась супрацоўнікі ГУБАЗіК затрымалі больш за 1100 "экстрэмістаў"
Сілавікі, архіўнае фота / Еўрарадыё
За апошні год супрацоўнікі ГУБАЗіК затрымалі больш за 1100 чалавек, абвінаваціўшы іх у дачыненні да "экстрэмісцкай дзейнасці". Гэта амаль па тры чалавекі штодня — без перапынку на выходныя і святы.
Такую лічбу ў эфіры тэлеканала СТБ назваў начальнік Галоўнага ўпраўлення па барацьбе з аргзлачыннасцю і карупцыяй МУС Андрэй Ананенка.
Як вядома, абвінавачанні ў "экстрэмізме" рэжым Лукашэнкі выкарыстоўвае для пераследу сваіх палітычных апанентаў.
