Міхаіл Грабоўскі хоча ад "Вашынгтона" 15 мільёнаў долараў за тры гады

Пра магчымыя фінансавыя запыты Грабоўскага піша "Комсомольская правда" са спасылкай на CSN Washington. Па звестках амерыканцаў, беларус хоча атрымаць ад "Вашынгтона" кантракт на тры гады і зарабляць мінімум 5 мільёнаў за сезон.

Грабоўскі правёў за "Вашынгтон" 52 гульні, у якіх зарабіў 33 (12+21) ​​плённыя балы — гэта восьмы вынік у камандзе. Хакеіст мог бы набраць больш, але з-за траўмы ён прапусціў два месяцы.

Калі Міхаілу дадуць 5 мільёнаў за сезон, то ён стане чацвёртым у спісе самых высокааплатных гульцоў "Вашынгтона". Перад ім будуць нападнікі Аляксандр Авечкін (9,5 мільёна) і Ніклас Бэкстрэм (6,5 мільёна), а таксама абаронца Майк Грын (6 мільёнаў).

Перад тым, як развітацца з "Таронта", беларус атрымоўваў 5,5 мільёна ў год.

Фота — kp.by