"Мінсккамунцепласетка": аварыя ва Уруччы ліквідаваная
Аварыя ў мінскім Уруччы ліквідаваная. Пра гэта агенцтву "Мінск-Навіны" паведаміў галоўны інжынер УП "Мінсккамунцепласетка" Генадзь Лукашэвіч.
Каля 22:15, па яго словах, пачалося падключэнне дамоў да ацяплення і гарачага водазабеспячэння. Спецыялісты будуць дзяжурыць уначы, каб пераканацца, што ўсе дамы атрымалі цяпло і гарачую ваду.
Як распавядала Еўрарадыё, аварыя на міні-ЦЭЦ увечары 12 студзеня пакінула без цяпла і гарачай вады больш за 200 шматкватэрных дамоў ва Уруччы.
