МУС Беларусі: Ніякага рускага маршу ў Мінску не будзе! (відэа)
Пра гэта было заяўлена ў аўторак на прэс-канферэнцыі, якая прайшла ў беларускай сталіцы.
Начальнік упраўлення аховы правапарадку Міністэрства ўнутраных спраў Беларусі Іван Кубракоў супакоіў грамадскасць. Ён заявіў, што 9 траўня ў Мінску не будзе так званага "рускага маршу".
"Органамі ўнутраных спраў Беларусі будуць прыняты ўсе меры бяспекі, каб не дапусціць парушэння парадку. Уся інфармацыя адсочваецца і ўсё трымаецца на кантролі", — цытуе словы Кубракова "Интерфакс-Запад". Ён адзначыў, што заяўка на марш не падавалася.
Нагадаем, расійскія заўзятары планавалі арганізаваць такую акцыю ў Дзень Перамогі і ў дзень старту хакейнага чэмпіянату свету ў Беларусі. Пазней яны заявілі, што прымуць удзел у афіцыйных мерапрыемствах, прысвечаных Дню Перамогі, якія пройдуць у Мінску.
Фота — Reuters
