Мядзельскаму пажарніку зламыснікі падпалілі машыну
Цяпер праваахоўныя органы вядуць пошук зламысніка.
Як паведамляе interfax.by, у міліцыю звярнуўся начальнік паста Мядзельскага райаддзела па надзвычайных сітуацыях. Ён падаў заяву пра тое, што ўвечар на неахоўнай аўтастаянцы каля дома па вуліцы Кастрычніцкай у Нарачы невядомы падпаліў яго аўтамашыну "Хонда Фіт".
Прычыненая шкода ацэньваецца ў 20 мільёнаў рублёў. Праваахоўныя органы пачалі крымінальную справу за наўмыснае пашкоджанне маёмасці.
Фота — fotki.yandex.ru
