На 91-м годзе жыцця памёр вядомы беларускі скульптар Леў Гумілеўскі
Леў Гумілеўскі / БЕЛТА
Скульптар Леў Гумілеўскі памёр 3 ліпеня на 91-м годзе жыцця пасля працяглай хваробы, піша Наша Ніва.
Леў Гумілеўскі развіваў гераічную тэматыку як у галіне станкавай, так і мемарыяльнай пластыкі. Сярод найбольш вядомых работ скульптара: партрэты Кастуся Каліноўскага, Міколы Гусоўскага, Францыска Скарыны, Уладзіміра Караткевіча, кампазіцыі "Партызаны", "За зямлю, за волю", "Чорная быль", а таксама помнік Янку Купалу ў парку імя Купалы ў Мінску.
Леў Гумілеўскі — народны мастак Беларусі, лаўрэат Дзяржаўнай прэміі Рэспублікі Беларусь, сябра секцыі скульптуры Саюза мастакоў Беларусі. Больш за 25 гадоў працаваў разам з сынам Сяргеем.
Развітанне са Львом Гумілеўскім адбудзецца 6 ліпеня (аўторак) 2021 года ў жалобным зале па адрасе Кульман, 33а з 10.00 да 11.00.
