На МТЗ назвалі асноўных партнёраў падчас санкцый
![На МТЗ намагаюцца займацца "імпартазамяшчэннем"](/sites/default/files/styles/gallery_main/public/2024-08/qzfrvhzf0jm.jpg.webp?itok=Sk9UyvDB)
На МТЗ намагаюцца займацца "імпартазамяшчэннем" / vk.com/belarustractors_official
На Мінскім трактарным заводзе назвалі сваіх асноўных партнёраў падчас дзеяння заходніх санкцый. Гэта — Турцыя, Кітай і Расія, кажа кіраўніца аддзела імпарту прадпрыемства Таццяна Кабякова. Паводле яе слоў, на сённяшні дзень "істотна скараціўся імпарт з краін Еўрасаюза", а "пастаўкі з Украіны цалкам спыніліся". У выніку камплектуючыя прывозяць з КНР (аб'ём паставак вырас больш чым у два разы), з Сербіі (больш чым у паўтара раза), з Казахстана (пастаўкі выраслі ў 6 разоў).
На МТЗ намагаюцца займацца "імпартазамяшчэннем", але атрымліваецца асвоіць вытворчасць толькі асобных дэталяў.
У жніўні стала вядома, што падчас санкцый прадпрыемства збіраецца адкрываць новыя вытворчыя цэхі. Сярод іншага МТЗ будзе выпускаць камплектуючыя для расійскай ваеннай тэхнікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.