На пажары ў Барысаве загінулі два чалавекі
Паведамленне пра пажар ратавальнікі атрымалі а палове трэцяй уначы.
У Барысаве ў ноч на 19 ліпеня на пажары загінулі два чалавекі. Як інфармуе БЕЛТА, паведамленне пра пажар ратавальнікі атрымалі а палове трэцяй уначы. У сваім прыватным доме згарэла 70-гадовая пенсіянерка і мужчына, асоба якога высвятляецца.
Таксама, па звестках ратавальнікаў, на пажары прыватнага дома ўвечары 18 ліпеня ў пасёлку Будслаў Мядзельскага раёна Міншчыны загінуў 44-гадовы мужчына. Мяркуецца, што прычынай пажару стала неасцярожнасць пры паленні.
Агулам за апошнія суткі на пажарах у Беларусі загінулі чатыры чалавекі, адзін быў траўмаваны. Выратаваць удалося чатырох.
Фота: news.1k.by