Не менш за 10 ваенкаматаў спрабавалі падпаліць у Расіі пасля пачатку вайны
![Ваенкамат у горадзе Гукава Растоўскай вобласці / Яндекс.Карты](/sites/default/files/styles/gallery_main/public/2023-08/photo_2022-05-15_13-12-08.jpg.webp?itok=GeuSN_8L)
Ваенкамат у горадзе Гукава Растоўскай вобласці / Яндекс.Карты
У Расіі з пачатку ўварвання ва Украіну пачалі падпальваць ваенкаматы. Цяпер вядома аб дзесяці такіх выпадках. Апошнія адбыліся ў Валгаградзе і горадзе Гукава Растоўскай вобласці.
Так сёння ноччу каля дзвюх гадзін ночы ў падсобцы ваеннага камісарыята па Савецкім, Варашылаўскім і Кіраўскім раёнах Валгаграда пачаўся пажар, піша прарасійскае выданне Baza.
Агонь ахапіў 20 квадратных метраў дапаможнага памяшкання. Калі полымя патушылі, крыху пазней, супрацоўнікі паліцыі выявілі ў памяшканні разбітую шкляную бутэльку з кавалкам тканіны — мяркуючы па ўсім, нехта кінуў туды "кактэйль Молатава". Побач з ваенкаматам была таксама знойдзена літровая пластыкавая бутэлька.
13 траўня падобны выпадак адбыўся ў горадзе Гукава Растоўскай вобласці. Там ноччу нехта спрабаваў падпаліць ваенны камісарыят на вуліцы Чырвоная Горка. Злачынца кінуў «кактэйль Молатава» ў сцяну будынка, агонь патушылі супрацоўнікі ваенкамата. Кідальніка пакуль таксама не знайшлі.
Дарадца кіраўніка Офіса прэзідэнта Украіны Аляксей Арастовіч раней сцвярджаў, што пасля пачатку вайны адбыліся "дзясяткі" выпадкаў падпалаў ваенкаматаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.