Галоўным трэнерам БАТЭ стаў Аляксандр Міхайлаў
Новым галоўным трэнерам ФК БАТЭ стаў Аляксандр Міхайлаў. Дагэтуль 37-гадовы спецыяліст працаваў з дублем каманды. З ім падпісаны двухгадовы кантракт, паведамляе клубная прэс-служба.
Відаць, прызначэнне Міхайлава, які яшчэ не трэніраваў галоўныя каманды, можа расчараваць заўзятараў барысаўчан. У яго трэнерскі штаб увайшлі Сяргей Зеневіч, Раман Кірэнкін і Павел Шмігера.
Летась галоўным трэнерам БАТЭ быў Віталь Жукоўскі. Каманда ўзяла толькі срэбра ў чэмпіянаце. З трэнерам кантракт не працягнулі.
Трэнерскі штаб БАТЭ / fcbate.by
