Пад Мінскам пахавалі баевіка, які ваяваў на баку "ДНР" (відэа)

Пад Мінскам пахавалі баевіка, які ваяваў на баку самаабвешчанай "ДНР". Як паведамляе тэлеканал "Белсат", Вадзім Васілеўскі, прафесійны беларускі спецназавец, не дажыў да 35-годдзя менш за 2 месяцы. Яго пахавалі на радзіме 12 ліпеня. Ён загінуў, нібыта, на мяжы Растоўскай вобласці Расіі і Украіны. Снарад трапіў у адну з машын аўтакалоны. Цела беларуса збіралі па частках, апазналі яго толькі па тату.

Васілеўскі служыў у армейскім беларускім спецназе, у 5-й брыгадзе спецпрызначэння. Звольніўся ён каля 5 гадоў таму ў званні капітана. Працаваў інструктарам у структуры таварыства "Дынама". На Данбасе ён ваяваў на баку "ДНР" з перапынкамі каля года.

У Вадзіма Васілеўскага засталіся двое дзяцей, жонка, бацька і маці.

Фота, відэа: Белсат