ПАСЕ патрабуе ад Мінска вызваліць палітвязняў і правесці справядлівыя выбары
![ПАСЕ заклікае рэжым Лукашэнкі вызваліць палітвязняў, не падтрымліваць Расію і правесці справядлівыя выбары](/sites/default/files/styles/gallery_main/public/2024-01/council-of-europe-2601.jpg.webp?itok=YrOWNc2G)
ПАСЕ заклікае рэжым Лукашэнкі вызваліць палітвязняў, не падтрымліваць Расію і правесці справядлівыя выбары / pixabay.com
Парламенцкая асамблея Савета Еўропы (ПАСЕ) прыняла новую рэзалюцыю па сітуацыі ў Беларусі.
У ёй падкрэсліваецца прыхільнасць ПАСЕ абароне правоў, свабод і бяспекі беларускага народа і выказваецца салідарнасць з людзьмі, пацярпелымі ад дзеянняў рэжыму Лукашэнкі.
У дакуменце гаворыцца пра пагаршэнне сітуацыі з правамі чалавека, дэмакратыяй і вяршэнствам закона ў Беларусі пасля сфальсіфікаваных прэзідэнцкіх выбараў 2020 года. Згадваецца і тое, што рэжым Лукашэнкі далучыўся да агрэсіі Расіі супраць Украіны.
У рэзалюцыі звяртаюць увагу на маштабныя рэпрэсіі супраць апанентаў рэжыму: масавыя арышты, затрыманні і запалохванне, у тым ліку заканадаўчыя меры па задушэнні апазіцыі.
Прызначаныя на люты 2024 года "выбары" Асамблея называе "пародыяй на дэмакратыю" і заяўляе пра непрызнанне іх вынікаў з-за абмежавання свабод, роспуску палітычных партый і абмежавання СМІ.
ПАСЕ заклікае вызваліць палітвязняў. спыніць падтрымку расійскай агрэсіі, правесці свабодныя і справядлівыя выбары і выконваць правы чалавека.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.