Пасол Расіі: дзеянні ўладаў нанеслі "Белгазпрамбанку" іміджавыя страты

Пасол заўважыў, што падчас канфлікту з беларускімі ўладамі "Белгазпрамбанк" — "адзін з банкаў прэміяльнага сегмента" — панёс іміджавыя страты. Ён заклікае "прад'явіць публічна крокі і меры, якія дазволяць як мага хутчэй аднавіць рэнамэ банка".

11 чэрвеня беларускія сілавікі правялі ператрусы ў "Белгазпрамбанку" і ў некалькіх звязаных з ім кампаніях. Фінансавая міліцыя распачала крымінальныя справы за ўхіленне ад выплаты падаткаў і легалізацыю сродкаў, атрыманых злачынным шляхам. Былі затрыманыя менеджары банка.

Відаць, ператрусы закранулі таксама банкаўскія ячэйкі. Кліенты "Белгазпрамбанка" скардзіліся, што не знайшлі ў іх сваіх каштоўнасцяў.

Экс-кіраўнік "Белгазпрамбанка" Віктар Бабарыка звязаў сітуацыю з прэзідэнцкай кампаніяй, у якую ён уступіў у траўні 2020 года. Менавіта дзеля яе Бабарыка пакінуў пасаду старшыні праўлення "Белгазпрамбанка".

Раніцай 18 чэрвеня Бабарыка разам з сынам, які ўзначальвае яго ініцыятыўную групу, быў затрыманы ў Мінску. У цяперашні час яны знаходзяцца ў СІЗА КДБ. Ім абодвум выстаўленыя абвінавачванні, але артыкулы, па якім абвінавачваюць экс-банкіра, не называюцца.