Пераможца Еўрабачання паказаў у сваім кліпе зруйнаваныя гарады Украіны
Фрагмент з кліпа Kalush Orchestra на песню"Stefania"
Гурт Kalush Orchestra з Украіны паказаў у кліпе на песню "Stefania" разруху, якую прынесла расійская агрэсія Украіне. З трэкам "Stefania" калектыў перамог на "Еўрабачанні 2022".
— Гэты фільм заснаваны на рэальных падзеях падчас вайсковай агрэсіі ва Украіне ў 2022 годзе, — піша Kalush Orchestra у сваім Ютубе-канале.
Яго здымалі ў разбураных расійскімі войскамі Бучы, Гастомелі, Барадзянцы і Ірпені.
— Калісьці я прысвяціў гэтую песню сваёй маці, а калі пачалася вайна, песня набыла шмат новых сэнсаў. Хоць у песні няма ні слова пра вайну, у многіх людзей яна стала асацыявацца з маці-Украінай, — тлумачыцца ў анатацыі да кліпа.
