Пластычнага хірурга Аляксея Дужага асудзілі на два гады "хіміі"
Аляксей Дужы / "Наша Ніва"
На два гады "хіміі" асудзілі пластычнага хірурга Аляксея Дужага за ўдзел у акцыях пратэсту, паведамляе тг-канал "Белыя халаты".
Як распавядала Еўрарадыё, лекара затрымалі сёлета 14 лютага проста на працоўным месцы. На яго пачалі крымінальную справу паводле "народнага" артыкула 342 Крымінальнага кодэксу (актыўны ўдзел у групавых дзеяннях, што груба парушаюць грамадскі парадак).
Прысуд Аляксею Дужаму 28 красавіка агучыў суддзя Савецкага раёна Мінска Аляксандр Якунчыхін.
