Працэс "19 снежня" пачнецца 17 лютага?
Паводле непацвердджанай інфармацыі на гэты дзень прызначаны разгляд справы актывіста выбарчага штаба Някляева Васіля Парфянкова.
Як паведаміў тэлеканалу "Белсат" праваабаронца Валянцін Стэфановіч, позвы на 17 лютага ў суд Фрунзенскага раёна Мінска атрымалі актывісты "Маладых дэмакратаў" Юры Фішэўскі і Павел Яловік.Іх выклікаюць у якасці сведкаў. Менавіта ў гэты суд перададзена справа Парфянкова.
Пакуль невядома, ці будзе судовае паседжанне адкрытым. Рашэнне пра гэта прымае непасрэдна суд, і пракурор у любы момант можа запатрабаваць выдаліць усіх з залі суда "ў інтарэсах следства", адзначыў праваабаронца.
