Прайшлі першыя гонкі спартсменаў у рэактыўных касцюмах
Рэактыўны касцюм важыць 27 кг / АР
У Дубаі прайшлі першыя гонкі спартсменаў у рэактыўных касцюмах. Яны маглі развіваць хуткасць больш за 100 км/г.
Як паведамляе АР, да спаборніцтваў дапусцілі толькі прафесійных лётчыкаў. Акрамя заплечніка за спінай (у ім бак з палівам і турбіна), у экіпіроўку ўваходзяць чатыры турбіны, якія гоншчык падчас палёту трымае ў руках. Яны дазваляюць манеўраваць у палёце.
Пераможцам спаборніцтваў стаў пілот Іса Кальфон. Ён прызнаўся, што прылада аказалася простай у выкарыстанні і дастаткова бяспечнай. Праўда, адзін з удзельнікаў на дыстанцыі ўсё ж упаў у ваду. На шчасце, ён не атрымаў траўмаў.
Рэактыўны касцюм распрацавала кампанія Gravity Industries. Ён важыць 27 кг і здольны развіваць хуткасць да 128 км/г.
