Расія папрасіла Беларусь спыніць транзіт харчавання

Рассельгаснагляд папрасіў Беларусь адмяніць усе дазволы на транзіт праз Расію прадуктаў харчавання, якія вязуць у Казахстан і іншыя краіны.

Таксама расійскае ведамства папрасіла Беларусь ад 30 лістапада спыніць афармленне таварных партый прадукцыі, якія ідуць транзітам у Казахстан і трэція краіны. Гэтая мера, як інфармуе interfax.by,будзе дзейнічаць да ўрэгулявання пытанняў кантролю кампетэнтнымі органамі Беларусі.

Мэта такіх захадаў з боку Расіі — спыніць пастаўкі ў Расію харчавання з краін, якія трапілі пад расійскае эмбарга. Нагадаем, што са жніўня Расія забараніла пастаўкі харчавання з краін Еўрасаюза, ЗША, Канады і шэрагу іншых.

Па звестках Рассельгаснагляду, ёсць выпадкі, калі такая прадукцыя ўвозілася ў Расію з Беларусі. Пазначалася, што яна нібыта ідзе транзітам у трэція краіны, аднак прадаецца на тэрыторыі Расіі.

Ілюстрацыйнае фота — ua-01.com