Расіяне нанеслі яшчэ адзін удар па Харкаву — трэці за суткі
Эвакуацыя з дому, які пацярпеў падчас расійскага ракетнага абстрэлу / @dsns_telegram
Позна вечарам у аўторак расіяне нанеслі яшчэ адзін ракетны ўдар па Харкаву — трэці за суткі, паведамляе Hromadske. Пад абстрэламі аказаўся цэнтр горада. Пашкоджаны жылыя дамы, магазіны і адукацыйная ўстанова. Былі два пажары, пацярпелі 9 чалавек. Акрамя таго, ратавальнікі эвакуіравалі 16 чалавек, у тым ліку двух дзяцей.
Нагадаем, раніцай расіяне ў два заходы нанеслі ўдары па жылых раёнах Харкава, выкарысталі больш за дзесяць камбінаваных ракет С-300, Х-32 і "Іскандэр". Быў разбураны шматпавярховік. Загінулі 8 чалавек, 60 чалавек пацярпелі (сярод іх 6 дзяцей).
Ратавальнікі эвакуююць людзей і ліквідуюць наступствы расійскага нападу /@dsns_telegram
