“Беларуськалій” атрымае $300 млн ад Азербайджана
Гэта будзе крэдыт, гарантам выплаты якога стане беларускі ўрад.
Пазыка даецца на рэалізацыю інвестыцыйных праектаў і праграмы сацыяльна-эканамічнага развіцця краіны на 2011-2015 гады.
Як адзначае партал TUT.by, апошнім часам сітуацыя вакол “Беларуськалія” звязаная з аварыяй на адным з руднікоў. З гэтай нагоды нават стварылі ўрадавую камісію.
Азербайджанскі крэдыт можа таксама дапамагчы Беларусі перажыць сур’ёзны валютны дэфіцыт. Дарэчы, летась Аляксандр Лукашэнка звяртаўся па дапамогу да прэзідэнта Азербайджану Ільхама Аліева. Тады ўдалося атрымаць 200 мільёнаў долараў на разлікі з Расіяй на газ.
