Чарга па візы ў Генконсульства Польшчы ў Брэсце пабіла рэкорд (фота)
У панядзелак у ёй стаяла больш як паўтысячы чалавек.
Чарга не змясцілася на вуліцы Куйбышава і была завернутая на перпендыкулярную ёй вуліцу Маякоўскага. Там яна працягнулася яшчэ метраў на сто.
Каб спампаваць з інтэрнэту анкету на візу і забраніраваць дату прыёму дакументаў, людзі ў Брэсце і ваколіцах не спяць начамі. Потым мусяць выстойваць вялікую чаргу. Па ацэнках некаторых з атрымальнікаў візаў, дзеля яе давялося пастаяць у чарзе агулам ад шасці да васьмі гадзін.
