"Дом еўрапейскіх сустрэч" запрашае на валанцёрскі летнік
Ён адбудзецца з 23 па 29 ліпеня ў вёсцы Залессе Камянецкага раёна.
Восенню 2008 года ў гэтай вёсцы намаганнямі сябраў грамадскага аб'яднання “Дзедзіч” быў выкуплены прыгожы дом 1931 года пабудовы. Трэці год запар там вядуцца будаўнічыя працы па стварэнні грамадскага асяродка для адукацыйных, культурных і экалагічных імпрэз, у якіх бяруць удзел моладзь з Беларусі і іншых краін Еўропы.
"У гэтым годзе з музычнай праграмай у мерапрыемстве прымуць удзел барды Алесь Камоцкі і Зміцер Бартосік”, — адзначыў кіраўнік грамадскага аб'яднання "Дзедзіч" і адзін з арганізатараў летніка Зміцер Шыманскі.
Анкеты ўдзельнікаў прымаюцца да 20 ліпеня на афіцыйным сайце арганізацыі.
