Дзмітрыю Усу зноў не дазволілі правесці ініцыятыўны сход групы
Гэта ўжо другая адмова, якую экс-кандыдат у прэзідэнты атрымлівае ад Мінгарвыканкама.
Нагадаем, што палітык хоча сабраць ініцыятыўную групу па змене выбарчага заканадаўства. Па словах Уса, якія перадае БелаПАН, Мінгарвыканкам адмовіў у правядзенні сходу "па фармальных прычынах".
Тым не менш, аргкамітэт намераны трэці раз падаць заяўку на правядзенне сходу. Па словах Уса, гэта будзе зроблена на наступным тыдні. Месцам для сходу будзе абраны парк на плошчы Бангалор.
