Еўрасаюз прыме санкцыі супраць Лівіі паводле "беларускага спісу"?
Урады краінаў Еўрасаюза пагадзіліся падрыхтаваць пералік магчымых санкцыяў у дачыненні Лівіі.
Пра гэта паведамляе агенцтва Рэйтэр са спасылкай на еўрапейскіх дыпламатаў.
"Была ўхваленая ўзгодненая заява аб прыняцці далейшых захадаў. На дыпламатычнай мове гэта азначае санкцыі", —сказаў адзін з дыпламатаў пасля сустрэчы ў Брусэлі, прысвечанай абмеркаванню сітуацыі ў Лівіі.
Па звестках крыніц у Брусэлі, спіс абмежавальных захадаў можа ўключаць забарону на выдачу віз сябрам лівійскага кіраўніцтва, замарожванне актываў, увядзенне эмбарга на пастаўкі зброі.
Нагадаем, аналагічны пералік захадаў быў прыняты і ў дачыненні Беларусі ў сувязі з пераследамі апазіцыі пасля 19 снежня.
