"Газпрам" зацікавіўся беларускімі недзяржаўнымі СМІ
Прадстаўнікі ААТ "Белтрансгаз" пачалі звяртацца ў рэдакцыі.
Яны прапануюць заключыць дамовы на размяшчэнне рэкламы. Пры гэтым, спасылаючыся на патрабаванні свайго новага ўладальніка, расійскага "Газпрама", яны просяць даць падрабязныя звесткі пра заснавальнікаў і ўласнікаў СМІ.
Як мяркуе nn.by, цікаўнасць "Газпрама" тлумачыцца тым, што расійская кампанія плануе купіць беларускія СМІ. Нагадаем, што з 1998 года дзейнічае холдынг "Газпрам-Медыя", якому сёння належаць дзясяткі тэле- і радыёканалаў, газет, часопісаў, а таксама інтэрнэт-парталаў Расіі і краін былога СССР.
Фота — nn.by
