Кавалёў паказваў следчым месца выпрабавальных выбухаў на ўскраіне Віцебску
Пра гэта гаворыцца ў матэрыялах справы, якія зачытаў у судзе абвінаваўца Сяргей Мірончык.
Як перадае БЕЛТА, Кавалёў паказваў гэтыя і іншыя месцы падчас праверкі "віцебскіх" паказанняў на месцы. Гэта бязлюдныя месцы. Там, па словах Уладзіслава Кавалёва, падрываліся кавалкі дыперакісу ацэтону.
Следчыя і Кавалёў таксама пабывалі ў цэнтры горада — там, дзе 22 верасня 2005 года адбыўся выбух. У пратаколе адзначана, нібы Кавалёў паказаў яму месца, дзе было ўсталяванае выбуховае прыстасаванне.
