Мінэнэрга Расіі абвергла заяву Лукашэнкі наконт нафты
21 снежня Аляксандр Лукашэнка заявіў пра дасягненне дамоўленасці з Расіяй на пастаўку 23 мільёнаў тон нафты ў 2013 годзе.
Заява прагучала падчас выступу кіраўніка дзяржавы перад студэнтамі і выкладчыкамі Беларускага дзяржаўнага ўніверсітэта інфарматыкі і радыёэлектронікі.
Тым часам у расійскім Міністэрстве энэргетыкі кажуць, што гэтая заява не адпавядае рэчаіснасці. Дамова пра аб'ёмы пастаўкі не падпісаная, інфармуе БелаПАН.
Мінэнэрга Расіі заяўляе, што прапанова Расіі пра пастаўку ў Беларусь 18,5 мільёнаў тон нафты ў 2013 годзе застаецца ў сіле.
Фота — profi-forex.org
