МВФ: Беларусь траціць на дзяржаўныя субсідыі каля 14% ВУП
Пра гэта гаворыцца ў справаздачы Міжнароднага валютнага фонду па асобных пытаннях эканомікі Беларусі.
Эксперты фонду лічаць, што беларускія ўлады маглі б скараціць субсідыі і пры гэтым забяспечыць сем’і з нізкімі прыбыткамі. МВФ адзначае, што субсідыі выдаюцца ў выглядзе наўпроставых і ўскосных трансфертаў. Да апошніх належыць утрыманне пры дапамозе бюджэтных сродкаў коштаў на пэўныя тавары. Напрыклад, тарыфы на паслугі ЖКГ і грамадскі транспарт, крэдыты на набыццё і будаўніцтва жытла, паведамляе БелаПАН.
