Наваполацкі суд застаўся на баку чыноўніка

Але суд пастанавіў, што чыноўнік мае рацыю, паведамляе радыё Свабода.
 
Паводле Яўгена Парчынскага, аднаго з ініцыятараў стварэння грамадзкага аб’яднаньня "Вольны рэгіён", акцыю да Дня Волі забаранілі праз тое, што там меркавалася выказаць салідарнасць з палітвязнямі, пакаранымі за ўдзел у мінскіх падзеях 19 снежня. Было напісана, што мінская акцыя была "антыканстытуцыйнай". І таму выказваць салідарнасьць з затрыманымі і пакаранымі яе ўдзельнікамі забаронена.
 
"25 сакавіка мы ў першую чаргу збіраліся віншаваць землякоў з Днём Волі, а выказванне салідарнасці з палітзняволенымі было дадатковай нашай мэтай", - распавёў Парчынскі.
 
Актывіст звярнуўся ў суд, бо тлумачэнне наконт "антыканстытуцыйнасці" мінскіх падзеяў яго не задавальняе: па-першае, афіцыйнага азначэння характару мінскай акцыі ў сакавіку яшчэ не было — яе ўдзельнікаў судзілі і прызналі вінаватымі ўжо пазней. Па-другое, такой падставы для адмовы няма ў заканадаўстве аб масавых акцыях. Па-трэцяе, намеснік старшыні наваполацкага гарвыканкаму Вячаслаў Дурноў чамусьці напісаў, што абскарджваць ягонае рашэнне трэба не ў судзе , а ў аблвыканкаме, які не мае такой кампетэнцыі.
 
Але суддзя Алена Верташонак пастанавіла, што адмова старшыні гарвыканкаму мела пад сабой усе падставы, а пытанне наконт абскарджання ў аблвыканкаме проста праігнаравала.