Памерла беларуская пісьменніца Валянціна Коўтун
Яна засталася ў гісторыі беларускай літаратуры найперш як Лаўрэат Літаратурнай прэміі СП БССР імя А.Куляшова (1986) за кнігу паэзіі “Метраном”.
Валянціна Коўтун (сапраўднае імя — Валянціна Новік), нарадзілася 6 красавіка 1946 года у вёсцы Дземяхі Рэчыцкага раёна Гомельскай вобласці ў сям’і настаўніка. Вучылася на філалагічным факультэце Львоўскага дзяржаўнага ўніверсітэта, а з 4 курса перавялася ў Беларускі дзяржаўны ўніверсітэт. Працавала настаўніцай мовы і літаратуры, затым — у шэрагу газет і часопісаў, у тым ліку ў часопісах “Полымя” і “Юнацтва”, нагадвае “Наша ніва”.
