Пракурор адмовіўся адказваць на пытанні пра выбух у метро
Дзяржаўны абвінаваўца па справе Дзмітрыя Канавалава і Уладзіслава Кавалёва Аляксей Стук адмовіўся адказваць на пытанні чытачоў "БелГазеты".
Два тыдні таму намеснік генпракурора пагадзіўся адказаць на такія запыты. Ад 23 лістапада на сайце было апублікавана некалькі соцень пытанняў. Аднак у нядзельны вечар 4 снежня супрацоўнікі "БелГазеты" паведамілі, што Стук не зможа адказаць на пытанні наведнікаў сайта па не залежных ад яго прычынах.
Пасля гэтага чытачы прапанавалі апублікаваць у газеце пытанні без адказаў.
Фота — respublika.info