Віцяблянам прапануюць выйсці на працу на Каляды (дакумент)
Адміністрацыя Першамайскага раёна Віцебска разаслала кіраўнікам прадпрыемстваў факсаграму.
У ёй даецца ўказанне арганізаваць працу ў святочныя дні 24-25 снежня. Падпісаў дакумент кіраўнік адміністрацыі Першамайскага раёна Мікалай Арлоў, паведамляюць "Народныя навіны Віцебска".
Прычынай працы ў святочныя дні называецца адставанне "вытворчасці прадукцыі прамысловасці" і неабходнасць павысіць заробак да ўзроўню, вызначанага кіраўніком дзяржавы.
Дарэчы, прадпрыемствам і арганізацыям Віцебшчыны неабходна адшукаць амаль 500 мільярдаў рублёў, каб сярэдні заробак дасягнуў 580 долараў. А менавіта такі ўзровень абяцаў Лукашэнку кіраўнік вобласці Аляксандр Косінец.
Фота — news.vitebsk.cc
