Віцебскім даішнікам не спадабаўся значак “Жыве Беларусь!” на машыне

Супрацоўнікам ДАІ не спадабалася, што за лабавым шклом яго машыны прычэплена  бел-чырвона-белая стужка і значак “Жыве Беларусь!” Параіўшыся з начальствам, прадстаўнікі ДАІ  завілі, што за такое аштрафаваць не могуць, але пакараюць за  іншае — за паркоўку ў “зялёнай зоне”.

Сваю машыну Аляксандр Кузняцоў звычайна пакідае ў двары дома, дзе жыве, і дагэтуль прэтэнзій да яго не было. Але ж 1 чэрвеня ён падаў у адміністрацыю Кастрычніцкага раёне Віцебска заяўку на правядзенне пікету. Мэтай пікету быў пратэст супраць абясцэньвання беларускіх грошай, падвышэння коштаў ды патрабаванне адстаўкі ўрада, які не можа вывесці Беларусь з крызіснага стану. Пасля гэтага ў ДАІ раптоўна з’явіліся прэтэнзіі да грамадскага актывіста, паведамляе “Праваабарончая хроніка”