Ёка Она узнагародзіць Pussy Riot прэміяй Ленана
Расійскі панк-гурт атрымае Lennonono Grant For Peace у знак падтрымкі трох яго удзельніц.
Дзяўчаты апынуліся за кратамі за свой панк-выступ у маскоўскім храме Хрыста Збаўцы на пачатку гэтага года.
Як нагадвае часопіс New Musical Express, прэмія ўручаецца раз на два гады актывістам барацьбы за мір і справядлівасць.
Цырымонія ўручэння Lennonono Grant For Peace традыцыйна праходзіць у Рэйк’явіку ў дзень нараджэння Джона Ленана — 9 кастрычніка. Для Pussy Riot будзе зроблена выключэнне — ім ўзнагарода будзе ўручаная 21 верасня ў Нью-Ёрку, падчас акцыі ад “Міжнароднай амністыі”, арганізатары якой спадзяюцца паўплываць на расійскія ўлады і заклікаць іх выпусціць удзельніц гурта на свабоду.
Удзельніцы Pussy Riot атрымалі па 2 гады калоніі агульнага рэжыму
Фота: daylife.com
