Самазабойца выкінуўся з 10-га паверха і ўпаў на 7-гадовую дзяўчынку
Яны загінулі. Трагічны выпадак здарыўся напярэдадні ў паўднёвакарэйскім горадзе Пусан.
Саракагадовы мужчына вырашыў скончыць жыццё самагубствам і скокнуў з акна сваёй кватэры. Ён упаў на маленькую дачку суседа, якая ішла каля дома са сваім бацькам. Самазабойца памёр на месцы, а дзяўчынка — у бальніцы. Паведамляецца, што яе бацька не пацярпеў.
Дарэчы, Паўднёвая Карэя займае першае месца сярод краін-сябраў Арганізацыі эканамічнага супрацоўніцтва і развіцця па колькасці самазабойстваў. Штодзень рахункі з жыццём там зводзяць каля 50 чалавек.
