"Шакаваная разбурэннем Кахоўскай ГЭС ва Украіне" — Ціханоўская
![Падтопленая вуліца ў Херсоне / t.me/operativnoZSU/](/sites/default/files/styles/gallery_main/public/2023-08/77_30.jpg.webp?itok=SQCVyQMs)
Падтопленая вуліца ў Херсоне / t.me/operativnoZSU/
Кіраўніца Аб'яднанага пераходнага кабінета Беларусі Святлана Ціханоўская пракаментавала падрыў дамбы Кахоўскай ГЭС, з-за чаго затапленне пагражае дзясяткам населеных пунктаў Украіны, праводзіцца эвакуацыя насельніцтва. Кіеў усклаў адказнасць на расійскіх акупантаў.
"Шакаваная разбурэннем Кахоўскай ГЭС ва Украіне, — піша Ціханоўская ў Twitter. — Гэта яшчэ адзін тэрарыстычны акт Расіі супраць грамадзянскага насельніцтва. Мае думкі з усімі тымі, хто пацярпеў ад гэтага жудаснага ваеннага злачынства. Вінаватыя павінны быць прыцягнутыя да адказнасці ў трыбунале".
Пра падрыў дамбы Кахоўскай ГЭС стала вядома раніцай 6 чэрвеня. Адбываецца эвакуацыя людзей з небяспечных месцаў у Херсонскай вобласці. Кіраўнік Офіса прэзідэнта Украіны Андрэй Ярмак назваў падрыў ГЭС экалагічным генацыдам — экацыдам. Украіна пачала расследаванне па фактах экацыду і парушэння законаў і звычаяў вайны.
Прэзідэнт Еўрасавета Шарль Мішэль заявіў, што шакаваны разбурэннем дамбы Кахоўскай ГЭС.
!["Шакаваная разбурэннем Кахоўскай ГЭС ва Украіне" — Ціханоўская](/sites/default/files/styles/default_image_paragraph/public/paragraphs/image/3334_1.jpg.webp?itok=breuHKos)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.