СК адпусціў супрацоўнікаў TUT.BY і некаторых іншых журналістаў
У чацвер, 9 жніўня, пасля абяцання СК адпусціць журналістаў, якія праходзяць па "справе БелТА", некаторыя затрыманыя выйшлі на волю, паведамляе baj.by. Сярод іх — журналісты TUT.BY Марына Золатава, Ганна Ермачонак, Ганна Калтыгіна, Галіна Уласік (яе адпусцілі днём). Таксама на волі вэб-рэдактар газеты "Беларусы і рынак" Аляксей Жукаў.
Пра лёс медыяэксперта Паўлюка Быкоўскага, рэдактаркі і журналісткі БелаПАН Ірыны Леўшынай і Таццяны Каравянковай пакуль нічога не вядома.
