Сталі вядомыя сапернікі БГК імя Мяшкова ў Лізе чэмпіёнаў
Лёсаванне групавога этапа еўрапейскага гандбольнага клубнага турніра прайшло ў суботу ў Вене.
27 чэрвеня ў Вене прайшло лёсаванне групавога этапа гандбольнай Лігі чэмпіёнаў 2015/2016 гадоў. Беларускі клуб — БГК імя Мяшкова — у групе С згуляе з іспанскім "Лаграньё", расійскімі "Чэхаўскімі мядзведзямі", сербскай "Вайводзінай", партугальскім "Порту" і славацкім "Татранам".
У 1/8 фіналу з групы выйдуць толькі дзве найлепшыя каманды.
Фота: ria.ru
