Тэлевізійныя кінакрытыкі абралі "Мільянера з трушчобаў"

Асацыяцыя тэлевізійных кінакрытыкаў (Broadcast Film Critics Association) назвала лепшым фільмам 2008 года карціну "Мільянер з трушчобаў" (Slumdog Millionaire) рэжысёра Дэні Бойла. 14-я цырымонія ўзнагароджання кінапрэміяй прайшла ўвечар у чацвер у Лос-Анджэлесе, перадае агенцтва Associated Press.

Бойл таксама атрымаў прыз за рэжысуру. Акрамя таго, аўтары фільма "Мільянер з трушчобаў" сцэнарыст Сайман Бофай (Simon Beaufoy) і кампазітар А.Р. Рахман (A.R. Rahman) выйгралі ўзнагароды ў адпаведных намінацыях, а выканаўцу галоўнай ролі Дэва Патэла (Dev Patel) прызналі лепшым маладым акцёрам.

"Цёмны рыцар" Крыстофера Нолана перамог у намінацыі "лепшы фільм у жанры экшн", Хіт Лэджэр пасмяротна ўганараваўся ўзнагароды ў намінацыі "лепшая роля другога плану". Шон Пэн, які сыграў у фільме "Харві Мілк" (Milk), быў названы лепшым акцёрам. Гэты фільм таксама адзначылі за лепшы акцёрскі склад.

Лепшай актрысай названая Эн Хэтуэй за працу ў фільме "Рэйчал выходзіць замуж" (Rachel Getting Married), а лепшая жаночая роля другога плану, згодна з меркаваннямі тэлекрытыкаў, была выкананая Кейт Уінслет у фільме "Чытальнік" (The Reader). Мультфільм "Валл-І" выйграў у намінацыі "анімацыйны фільм", а лепшай камедыяй прызнаная карціна "Салдаты няўдачы" (Tropic Thunder).

Фота: www.ilovecinema.ru