У Брэсце ўлады вярбуюць людзей пад наступныя выбары
Адміністрацыя аднаго з раёнаў Брэста сабрала дырэктараў школ, якія паводле завядзёнкі адказваюць за выбарчыя камісіі, і давала ўказанні, як праводзіць прызначаныя на вясну мясцовыя выбары. Пастаўленая задача масавага ўваходу супрацоўнікаў школ у праўладную арганізацыю "Белая Русь". Плануецца, што ад гэтай партыі, а таксама ад БРСМ, ветэранскіх арганізацый ды афіцыйных прафсаюзаў навярбуюць траціну "грамадскіх арганізацый" у выбарчыя камісіі, паведаміў Еўрарадыё адзін з дырэктараў.
