У ДТЗ у Мінскай вобласці загінула дзяўчынка-падлетак
Наступствы ДТЗ / УГАИ Минской области
Дзяўчынка-падлетак загінула ў выніку ДТЗ, якое адбылося напярэдадні вечарам у Мінскай вобласці. На аўтадарозе Жодзіна — Дзяніскі сутыкнуліся два легкавыя аўтамабілі. Дзяўчынцы было 14 гадоў.
Падрабязнасці аварыі расказалі ў ДАІ. Кіроўца AUDI A6 на скрыжаванні не саступіў дарогу і сутыкнуўся з аўтамабілем FORD MONDEO. Пасажыры MONDEO — 52-гадовая жанчына і дзяўчынка-падлетак — атрымалі траўмы. Іх забралі ў бальніцу. Дзяўчынку медыкі выратаваць так і не змаглі.
Аварыя адбылася на скрыжаванні, адзін з кіроўцаў не саступіў дарогі / УДАІ Мінскай вобласці
