У гомельскім аэрапорце сёння чакаецца аварыйная пасадка самалёта
Выратавальнікі і вайскоўцы правядуць комплексныя вучэнні.
Як паведамляе БЕЛТА, яны будуць праходзіць на аэрадроме. Падраздзяленні Міністэрства па надзвычайных сітуацыях і Міністэрства абароны адпрацуюць дзеянні пры аварыйнай пасадцы самалёта і яго ўзгаранні. Акрамя тушэння пажару выратавальнікі правядуць эвакуацыю пацярпелых з раёна бедства.
Таксама ў праграме мерапрыемства дэманстрацыя авіяцыйнай і спецыяльнай тэхнікі, пажарна-тэхнічнага ўзбраення.
Фота — open.by