У Ізраілі памёр вядомы ў сярэдзіне 2010-х у Беларусі блогер Васіль Целагрэйкін
Аляксандр Кандратовіч (Васіль Целагрэйкін) / facebook.com
У Ізраілі памёр вядомы ў сярэдзіне 2010-х у Беларусі блогер Аляксандр Кандратовіч (Васіль Целагрэйкін). Пра яго смерць паведамілі сябры. Пра яе прычыны інфармацыі няма.
Целагрэйкіна называлі "страшным сном беларускай ДАІ". У сваіх відэазапісах ён часта “даваў прыкурыць” некампетэнтным інспектарам, дэманструючы добрае веданне тонкасцяў працэсуальна-выканаўчага заканадаўства і даючы парады іншым кіроўцам, як адстойваць свае правы. Часы яшчэ былі іншыя.
"Я заканчваў Акадэмію МУС. Там быў закладзены фундамент. А веды зусім з іншага месца ўзяліся. Я пачаў гэтым займацца таксама ад несправядлівасці", — гаварыў блогер у 2016-м у інтэрв'ю Еўрарадыё.
У Ізраілі Аляксандр Кандратовіч жыў у апошнія гады.
